Ֆրանսիայում ձերբակալված 3 կանայք ահաբեկչություն էին նախապատրաստում
Ֆրանսիայում ձերբակալված երեք կանայք, ամենայն հավանականությամբ մոտ ժամանակներս ահաբեկչական հարձակում էին նախապատրաստում, հաղորդել է Ֆրանսիայի ՆԳՆ ղեկավար Բերնար Կազնևը:
Ավել վաղ հաղորդվում էր, որ Էսոն դեպարտամենտում հակաահաբեկչական օպերացիայի ընթացքում ուժայինները ձերբակալել են 3 կնոջ: Նրանցից մեկը դիմադրություն է ցույց տվել և դանակով վիրավորել է ոստիկաններից մեկին:
«19.23 և 39 տարեկան կանայք ծայրահեղականներ են: Ամենայն հավանականությամբ նրանք մոտ ժամանակներս ահաբեկչական հարձակում էին նախապատրաստում»,- նախարարի խոսքերը մեջ է բերում France Press գործակալությունը:
Օպերացիան իրականացվել է բեռնախցիկում գազի բալոններով ավտոմեքենայի գործի հետաքննության շրջանակներում, որը չորեքշաբթի հայտնաբերվել էր Փարիզի Աստվածամոր տաճարի մոտ: Ձերբակալված կանանցից մեկը հանդիսանում է այդ ավտոմեքենայի սեփականատիրոջ դուստրը:










