Մոսուլի ազատագրման գործողությունը կսկսվի հոկտեմբերին. WSJ
«Իսլամական պետություն» ահաբեկչական խմբավորման հսկողության տակ գտնվող Իրաքի Մոսուլ քաղաքի ազատագրման գործողությունը կսկսվի մինչև հոկտեմբերի վերջ, գրում է The Wall Street Journal-ը:
Այդ մասին պարբերականին հայտնել է ԻՊ-ի դեմ պայքարի միջազգային կոալիցիայի հրամանատար գեներալ-լեյտենանտ Սթիվեն Թաունսենդը:
«Մենք պատրաստվում ենք կատաղի, երկար և դժվար մարտի»,- հայտարարել է նա:
Թաունսենդի գնահատմամբ՝ Մոսուլում է գտնվում 3 հազարից 4,5 հազար գրոհային:
Օգոստոսի վերջին Իրաքի զինվորականներն ԻՊ-ից ամբողջությամբ ազատել են ռազմավարական նշանակություն ունեցող Ալ-Կիարա քաղաքը: Քաղաքի ազատագրումը Մոսուլի ճանապարհին «կարևոր քայլ» է դարձել:










