Ստեղծվել է կահույքի պես հավաքվող ու քանդվող առաջին մեքենան (լուսանկարներ, տեսանյութ)

Հարավկորեացի մասնագետները ստեղծել են իր տեսակի մեջ աննախադեպ մեքենա, որը կարելի է կահույքի պես քանդել ու հավաքել:

Ինչպես նշում է The Verge-ը, ուշագրավ նորույթը նախատեսված է Աֆրիկայում տարատեսակ մարդասիրական առաքելությունների շրջանակում օգտագործման համար:

Ox անվանումը ստացած փոխադրամիջոցը ստեղծվել է բեռնատարի տեսքով: Ըստ ստեղծողների՝ մի բեռնատարը բաղկացած  է 60 տարբեր մասերից, որոնք հավաքելու վրա կծախսվի 12 ժամ:

Նշվում է, որ այն տեղավորում է առավելագույնը 13 մարդու, ինչպես նաև կարող է տեղափոխել 1 տոննայից  ավելի բեռ: