Լոնդոնում Էկվադորի դեսպանատանը WikiLeaks-ի հիմնադրի հարցաքննությունը կկայանա հոկտեմբերի 17-ին

04:46 • 13.09.16

WikiLeaks-ի հիմնադիր Ջուլիան Ասանժի հարցաքննությունը, որին Շվեդիայի կասկածում է բռնաբարության մեջ, կկայանա հոկտեմբերի 17-ին:  Այդ մասին տեղեկացրել է Էկվադորի դատախազությունը, ինչի մասին հաղորդում է Andes գործակալությունը:

Ասանժի հարցաքննությունն ընթանալու է Լոնդոնում Էկվադորի դեսպանատանը: Այն կանցկացնի էկվադորցի դատախազ Ուիլսոն Տոաինգը Շվեդիայից երկու դատախազների հետ միասին:

Նշվում է, որ Տոաինգը մտադիր է Ասանժից խնդրել տրամադրել «ֆիզիոլոգիական հեղուկի» օրինակներ, ինչը կարող է մերժվել: Դատախազի տված հարցերը նախապատրաստվել են Շվեդիայի Արդարադատության նախարարության կողմից:

Ավելի վաղ հաղորդվում էր, որ Շվեդիային թույլ են տվել Ասանժին հարցաքննել Լոնդոնում Էկվադորի դեսպանատանը: