ՃՏՊ Արատատի մարզում. 21-ամյա ուղևորը մահացել է. shamshyan.com
Արարատի մարզում երեկ ժամը 22։30-ի սահմաններում Արտաշատ քաղաքի բնակիչ, 21-ամյա Ռաֆայել Սարխոշյանը իր վարած Mercedes մակնիշի 09 QQ 499 համարանիշի ավտոմեքենայով Երևան-Երասխավան ավտոճանապարհի 27-րդ կմ-ին դուրս է եկել ճանապարհի երթևեկելի գոտուց, բախվել արգելապատնեշին։
Այս մասին հայտնում է shamshyan.com կայքը։
Վթարի հետևանքով վարորդ Ռ. Սարխոշյանը, նրա ուղևորներից, համաքաղաքացիներ, 22-ամյա Արգիշտի Պետրոսյանը մարմնական վնասվածքներով տեղափոխվել են «Էրեբունի» բժշկական կենտրոն, իսկ մյուս ուղևոր՝ 21-ամյա Յուրիկ Սեդրակյանը՝ Արտաշատի բժշկական կենտրոն։
Այսօր՝ սեպտեմբերի 14-ին, ժամը 08։00-ի սահմաններում, Յու. Սեդրակյանը հիվանդանոցում գիտակցության չգալով մահացել է։










