Բժիշկները կաթված տարած Շիմոն Պերեսի վիճակը կայուն ծանր են գնահատում
Իսրայելի նախկին նախագահ Շիմոն Պերեսը նախօրեին տարած կաթվածից հետո գտնվում է ծանր վիճակում: Ինչպես նշում է ria.ru-ն, այս մասին հայտնել են քաղաքական գործչի բժիշկները: Նրանք հավելել են, որ վիրահատություն անցկացնելու վերաբերյալ դեռևս ցուցումներ չկան:
«Պերեսի վիճակը գնահատվում է որպես կայուն ծանր»,-ասել են «Շիբա» կլինիկայի մասնագետները:
Աղբյուրը մանրամասնում է, որ հոսպիտալացումից հետո 93-ամյա Պերեսին տեղափոխել են արհեստական կոմայի մեջ ու միացրել թոքերի արհեստական շնչառության սարքին: Այս գործողությունների արդյունքում հիվանդի գլխուղեղի արյունահոսությունը դադարել է, և Պերեսը մասամբ գիտակցության է եկել:
Աղբյուրը մանրամասնում է, որ Պերեսն Իսրայելի կառավարությունը գլխավորել է 2 անգամ: 2007-2014թթ. նա զբաղեցրել է երկրի նախագահի պաշտոնը՝ ճանաչվելով աշխարհում ամենատարեց գործող նախագահը:
1993թ. պաղեստինյան կողմի հետ մի շարք խաղաղ համաձայնագրերի ստորագրման համար Պերեսն արժանացել է հեղինակավոր Նոբելյան մրցանակի:










