Տանը պարկերով փող թաքցրած ՌԴ ՆԳՆ պաշտոնյայի ընտանիքի բանկային հաշիվներին 300 մլն եվրո է հայտնաբերվել (լուսանկարներ)

10:42 • 14.09.16

ՌԴ Ներքին գործերի նախարարության կոռուպցիայի հակազդման ու տնտեսական անվտանգության գլխավոր վարչության պետի տեղակալ Դմիտրի Զախարչենկոյի ընտանիքի անդամների շվեյցարական բանկային հաշիվներին հայտնաբերվել է մոտ 300 մլն եվրո, հայտնում է lenta.ru-ն՝ հիշեցնելով, որ ավելի վաղ պաշտոնյայի աշխատանքային գրասենյակում ու տանն իրականացված խուզարկության ընթացքում հայտնաբերվել են փողով լի պարկեր:

 

Բացի այդ, իրավապահների տրամադրության տակ են հայտնվել առանձնակի խոշոր չափերի կաշառք վերցնելու համար մեղադրվող Զախարչենկոյի հոր՝ Վիկտոր Զախարչենկոյի անունով գրանցված օֆշորային ընկերությունների բանկային հաշիվների վերաբերյալ փաստաթղթեր:

 

Ընդհանուր առմամբ, հայտնաբերվել է 6 նմանատիպ հաշիվ, որոնցից յուրաքանչյուրին կա 45-47 մլն եվրո: Այժմ իրավապահները փորձում են պարզել գումարների ծագման աղբյուրները:

 

Ինչպես ավելի վաղ հայտնել էր Tert.am-ը, սեպտեմբերի 9-ի ձերբակալությանը հաջորդած խուզարկության արդյունքում գնդապետ Զախարչենկոյի բնակարանում հայտնաբերվել է մոտ 123,5 մլն ԱՄՆ դոլար գումար: Ձերբակալության պահին Զախարչենկոյի մոտ անձամբ գտնվել է 20 մլն ռուբլի գումար: 

 

Дмитрий Захарченко

Фото: телеканал РЕН ТВ

При обыске в квартире полковника Захарченко обнаружены впечатляющие объемы наличных денег. ФОТО: Оперативная съемка, предоставлено kommersant.ru

Для пересчета изъятых в ходе обыска денежных средств потребовалась ночь работы оперативников. ФОТО: Оперативная съемка, предоставлено kommersant.ru

Дмитрий Захарченко был задержан в конце минувшей недели при получении взятки в размере 7 миллионов рублей. В его квартире обнаружено наличных средств на 8 миллиардов.ФОТО: Оперативная съемка, предоставлено kommersant.ru