Ուզբեկստանի վարչապետ Միրզիյաևն առաջադրվել է նախագահի պաշտոնում
Ուզբեկստանի վարչապետ Շավքաթ Միրզիյաևը, որը ժամանակավորապես կատարում է երկրի նախագահի պարտականությունները, առաջադրվել է նախագահի պաշտոնում, գրում է ռուսական «Газета.Ru» կայքը:
Ուզբեկստանի առաջին նախագահ Իսլամ Քարիմովի մահից հետո Միրզիյաևը ժամանակավորապես ստանձնել է երկրի նախագահի պաշտոնը:
Իսլամ Քարիմովի մահվան մասին հաղորդվել էր սեպտեմբերի 2-ին, նրա թաղման արարողությունը տեղի է ունեցել Սամարղանդում, որտեղ երկրի առաջին նախագահին հուղարկավորել են իր ծնողների կողքին:










