Գերմանիայում և Ավստրիայում բողոքի ցույցեր են անցկացվում ընդդեմ ԱՄՆ-ի և ԵՄ-ի միջև վաճառքի մասին պայմանագրի

21:59 • 17.09.16

Բազմահազարանոց բողոքի ակցիաներ են անցկացվում միաժամանակ Գերմանիայի մի քանի խոշոր քաղաքներում` ընդդեմ միջատլանտյան առևտրի ազատ գոտու մասին պայմանագրի, գրում է DPA-ը:

Ցույցեր են անցկացվում Բեռլինում, Մյունխենում, Լայպցիգում, Համբուրգում, Շտուտգարտում, Ֆրանկֆուրտում:

Ոստիկանության տվյալների համաձայն` Բեռլինում փողոց է դուրս եկել մոտ 40.000 մարդ, Համբուրգում` 30.000, Մյունխենում` 20.000, Քյոլնում` 18.000:

Կազմակերպիչները հույս ունեին, որ Բեռլինում ցույցին կմասնակցի մինչև 100.000 մարդ, մյուս քաղաքներում` մինչև 30.000:

Նմանատիպ ակցիաներ են անցկացվում նաև Ավստրիայում, որտեղ 10.000 մարդ դուրս է եկել Վիեննայի փողոցներ: Զալցբուրգ և Լինց քաղաքներում մասնակցել է մոտ 7.000 մարդ: