Փարիզի կենտրոնում ահաբեկչության սպառնալիքի մասին լուրերը կեղծ են եղել

20:05 • 17.09.16

Ոստիկանությունը հատուկ գործողություններ է անցկացրել Փարիզում` ահաբեկչության սպառնալիքի մասին հաղորդագրությունների պատճառով: Նշվում էր, որ հարձակում է իրականացվել եկեղեցիներից մեկի վրա: Բացի այդ, սոցցանցերում տեղեկություն է տարածվել մարդկանց առևանգման մասին:

Միևնույն ժամանակ, ըստ տեղական լրատվամիջոցների, ահաբեկչության սպառնալիքը չի հաստատվել, փոխանցում է РИА Новости-ն:

Փարիզի ոստիկանությունում հայտնել են, որ իրավապահներն ավարտել են հատուկ գործողությունը քաղաքի կենտրոնում:

«Ոստիկանական գործողությունն արդեն ավարտվել է: Ոչ մի վտանգ այլևս չկա»,- ասվում է հաղորդագրությունում: