Լատվիայում բանտերից մեկը կփակվի` կալանավորների քանակի կրճատման պատճառով

22:38 • 17.09.16

Լատվիայում 2017թ. հունվարի 1-ից կփակվի Վեցումնիեկյան բանտը, քանի որ վերջին տարիներին այնտեղ էապես կրճատվել է կալանավորների ընդհանուր քանակը, հայտնում է լատվիական LETA գործակալությունը:

Նշվում է, որ բանտի փակվելուց հետո այնտեղ գտնվող կալանավորները կտեղափոխվեն այլ բանտեր: Ընդ որում, ուղղիչ հաստատության փակման արդյունքում խնայված միջոցները կօգտագործվեն Օլայնի բանտի կախվածություն ունեցող կալանավորների կենտրոնի համար:

Փակվող բանտի աշխատակիցները կկարողանան շարունակել աշխատանքը Ելգավ և Օլայն բանտերում: Օլայնի բանտում այժմ կա մոտ 30 թափուր հաստիք, իսկ մյուսում` 7:

2012-ի վերջին Լատվիայի բանտերում պահվում էր 6117 կալանավոր, իսկ այս տարվա սեպտեմբերին` 4202: