Պուտինը Ղրղզստանի նախագահին պարգևատրել է «Ալեքսանդր Նևսկի» շքանշանով
Ռուսաստանի Դաշնության նախագահ Վլադիմիր Պուտինը Ղրղզստանի նախագահ Ալմազբեկ Աթամբաևին Բիշքեկում տեղի ունեցած հանդիպման ժամանակ պարգևատրել է «Ալեքսանդր Նևսկի» շքանշանով, հաղորդում է РИА Новости-ն:
Նշվում է, որ «փոխադարձ վստահության ու ռազմավարական գործընկերության վրա հիմնված Ռուսաստանի ու Ղրղզստանի բազմակողմանի համագործակցության գործում մեծ ավանդի համար» շքանշանի հանձնումը նվիրված է Աթամբաևի 60-ամյակին, որը նշվում է այսօր։










