Զվարթնոցից փողոցով խփելով տարել–հասցրել են Հրաչիկ Աբգարյանենց փողոցը, համարյա 1.5 կմ. Արթուր Թումանյան
Էջմիածնում գործող քաղաքապետ Կարեն Գրիգորյանի ու քաղաքապետի թեկնածու Արթուր Թումանյանի միջև երեկ երեկոյան տեղի ունեցած միջադեպը Կարպիս Բաժակյանին առևանգելու ու ծեծելու պատճառով են եղել: Tert.am-ի հետ զրույցում այս մասին ասաց Արթուր Թումանյանը, ով «Էրեբունի» բժշկական կենտրոնում է՝ բժիշկների հսկողության տակ: Թումանյանը հավաստիացրեց, որ իրեն ու իր շտաբի անդամ Ստեփան Աբգարյանին ծեծի են ենթարկել Կարեն Գրիգորյանն ու իր կողմնակիցները, ովքեր դուրս էին եկել նրանց դիմաց, երբ Կարպիս Բաժակյանին փնտրելու էին գնացել: Վերջինս, մինչ հիմա, նրա փոխանցմամբ, չի գտնվել:
- Պարոն Թումանյան, կպատմե՞ք, ի՞նչ է երեկ տեղի ունեցել Էջմիածնում, ի՞նչ բախումներ են եղել Ձեր ու Կարեն Գրիգորյանի, նրա թիմակիցների միջև:
- Մեր ավագանու անձին, շտաբի աշխատողին գողացել տարել էին, մենք էլ ընկել ման էինք գալիս, մեր վրա հարձակվեցին:
- Ասում են, որ դուք կրակել եք Կարեն Գրիգորյանի մեքենայի ուղղությամբ: Այդպե՞ս է:
- Ի՞նչ եք մտածում՝ կրակել եմ մեքենային չի կպել հա՞: Պարոն Գրիգորյանը, որ եկավ մեքենայով խփեց մեզի, վազեց հետևներիցս, իրա փորի տակից էդ զենքն ընկել ա, ես վերցրել եմ, հասկանո՞ւմ եք…
- Այսինքն՝ Կարեն Գրիգորյանի մոտ զե՞նք է եղել:
- Այո, ծեծելուց ջարդելուց հետո նորից հետ վեկալավ:
- Ինչպե՞ս եք Ձեզ զգում: Կկարողանա՞ք վաղվա ընտրություններին մասնակցե՞լ, թե հնարավոր է հանեք Ձեր թեկնածությունը:
- Չգիտեմ, հիմա նայում ենք էլի, եթե հնարավոր լինի հետաձգել՝ հետաձգենք, եթե չէ, չգիտեմ, ոնց կլինի:
- Ձեզ ո՞նց եք զգում:
- Ո՞նց պիտի զգամ, 10 հոգի հարձակվեցին վրես՝ տղավարի, հարձակվեցին… նորմալ ա էլի, չգիտեմ, տենանք, ուռած-մուռած բաներ կան, տեսնենք:
- Ձեզ ծեծողների թվում Կարեն Գրիգորյանը կա՞ր:
- Դե ինքն էլ էր հարձակվում… Ես ընկել եմ գետնին, ինձի… Ախպերներն էլ… Որ 06-ը տենաք, վկաներ էլ կլինեն, տեսած կլինեն ինչ ա կատարվել, Զվարթնոց թաղամասից փողոցով խփելով տարել հասցրել են Հրաչիկ Աբգարյանենց փողոցը, համարյա 1.5 կմ:
- Այս ամենի նպատակը ո՞րն էր: Ուզում էին Ձեզ վախեցնե՞լ:
- Այո, այո, շանտաժ արին, մեր աշխատողներին վեկալան տարան: Կեխտոտություն ա, հիմա էլ հելել ասում են, թե ես եմ զենք հանել, եսիմ ինչ եմ արել, իրանց վրա եմ հարձակվել, 2 հոգով 30 հոգու վրա ենք հարձակվել հա՞:










