Էջմիածնի ընտրատեղամասերում ակտիվություն կա (տեսանյութ)
Էջմիածին քաղաքում շարունակվում են քաղաքապետի և ավագանու ընտրությունները, որոնց մասնակցում են գործող քաղաքապետ Կարեն Գրիգորյանը՝ Մանվել Գրիգորյանի որդին և Արթուր Թումանյանը:
Նախօրեին թեկնածուների միջև բախում էր եղել, քաղաքում կրակոցներ էին հնչել, ինչից հետո Թումանյանն ու իր թիմակիցը՝ Ստեփան Աբգարյանը, ով նախկին քաղաքապետ Հրաչիկ Աբգարյանի եղբորորդին է, հայտնվել էին հիվանդանոցում:
Ընտրական գործընթացը, սակայն, ինչպես հավաստիացնում էին տեղի իշխանությունները, կրակոցներից հետո չի խաթարվել:
Tert.am-ը լրագրողը քաղաքի տարբեր հատվածների ընտրատեղամասերում մասնակցեց ընտրական պրոցեսին, որտեղ հանձնաժողովի բոլոր նախագահները նշեցին, որ խախտումներ մինչ այդ ժամը չեն գրանցել, լարվածություն չեն արձանագրել:
Տեղամասերի հանձնաժողովների նախագահները նշեցին նաև, որ մարդկանց հոսքը բավական ակտիվ է:
Մանրամասները՝ Tert.am-ի տեսանյութում։










