Ֆրանսիայի նախկին նախագահ Ժակ Շիրակը հոսպիտալացվել է
Ֆրանսիայի նախկին նախագահ 83-ամյա Ժակ Շիրակը հոսպիտալացվել է թոքերի վարակով։ Այդ մասին հայտնել է France Presse գործակալությունը՝ վկայակոչելով քաղաքական գործչի բարեկամներին։
Հաղորդվում է, որ Շիրակին տեղափոխել են Փարիզի Պիտյե-Սալպետրիեր հիվանդանոց։ Սպասվում է, որ մոտակա օրերի ընթացքում նա կլինի հիվանդանոցում։
Ինչպես նշում է գործակալությունը, քաղաքական գործիչը հոսպիտալացվել է Մարոկկոյից Փարիզ վերադառնալուց հետո, որտեղ նա գտնվում էր իր ընտանիքի հետ։
Ժակ Շիրակը եղել է Ֆրանսիայի 22-րդ նախագահը՝ 1995-ից 2007 թվականներին։










