Տավուշի ՏԻՄ ընտրություններում ՀՀԿ թեկնածուները պարտվել են Աճարկուտում, Կողբում, Նորաշենում և Գանձաքարում
Տավուշի մարզի 31 համայնքում երեկ տեղի ունեցած ընտրություններին հիմնականում հաղթել են Հանրապետական կուսակցությունից առաջադրված թեկնածուները: Մի շարք համայնքներում ընդհանրապես մրցակցություն չի եղել, ինչպես օրինակ՝ Բերդ, Ներքին Կարմիր Աղբյուր, Չինարի, Չորաթան, Վերին Կարմիր Աղբյուր և այլն, որոնց գործող համայնքի ՀՀԿ-ական ղեկավարները վերընտրվել են առանց մրցակցի:
Ազատամուտ գյուղում 689 ձայնով վերընտրվել է ՀՀԿ-ական գործող գյուղապետ Ժորա Մարտիրոսյանը իր մրցակցից չնչին ձայների առավելությամբ: Մրցակից մեկ այլ ՀՀԿ-ական Արտեմ Սարիբեկյանը 24 ձայնով էր զիջել նրան:
Աճարկուտում անկուսակցական Մանվել Ավետիքյանը 75 ձայն ստանալով հաղթել էր գործող ՀՀԿ-ականին, ով ստացել էր 28 ձայն:
Այրումում հաղթել էր գործող ՀՀԿ-ական համայնքի ղեկավար Արայիկ Պարանյանը, նա 1531 ձայն ստանալով՝ առավելության էր հասնել հիմնական մրցակից անկուսակցական Դավիթ Փարսադանյանից:
Բերքաբերում ևս հաղթել է գործող ՀՀԿ-ական ղեկավարը՝ Արթուր Մադաթյանը:
Գանձաքարում հաղթել է ՀՅԴ-ից առաջադրված Վարդգես Դովլաթբեկյանը, առավելության հասնելով ՀՀԿ-ից առաջադրված համայնքի ղեկավար Շահեն Շահինյանին:
Գետահովիտում հաղթել է ՀՀԿ գործող ղեկավար Արթուր Ղազարյանը, առավելություն ունենալով մյուս 3 ՀՀԿ-ական և անկուսակցական մրցակիցներից:
Ենոքավանում 166 ձայնով հաղթել է համայնքի գործող ղեկավար ՀՀԿ-ից առաջադրված Անդրանիկ Չիբուխչյանը, ՀՅԴ-ական թեկնածու Արթուր Այդինյանը զիջել էր նրան:
Իծաքարում «Հայկական վերածննդից» առաջադրված թեկնածու Արթուր Այդինյանը պարտվել է ՀՀԿ-ական գործող Արամ Դանիելյանը:
Ծաղկավան (Տավուշ) համայնքում հաղթել է ՀՀԿ-ական Արթուր Ղազարյանը, այստեղ գործող համայնքի ղեկավարն ինքնաբացարկ էր ներկայացրել:
Կիրանց համայնքում հաղթել է ՀՀԿ գործող գյուղապետ Կամե Շահինյանը:
Կողբում ՀՀԿ-ական գործող գյուղապետին և մյուս մրցակից թեկնածուներին հաղթել է անկուսակցական Աղաբաբյան Արսենը:
Նավուր համայնքի ղեկավար է ընտրվել ԱԻՄ-ից առաջադրված Արամ Նիգոյանը, չնայած նրան, որ նա մրցակից չուներ:
Դիտավանում համայնքի ղեկավար է ընտրվել ՀՅԴ-ական Հակոբ Սարիբեկյանը, ով նույնպես մրցակից չուներ:
Նորաշենում գործող համայնքի ղեկավար, ՀՀԿ-ական Գոռ Աբրահամյանը զիջել է չնչին ձայների տարբերությամբ ինքնառաջադրված ՀՀԿ-ականին:
Չինչինում Հայկական վերածնունդ կուսակցությունից առաջադրված Կարեն Դարբինյանը ընտրվել է համայնքի ղեկավար, առանց մրցակից թեկնածու ունենալու:
Տավուշի Տավուշ համայնքի ՀՀԿ-ական ղեկավար Արթուր Հովհաննիսյանը հաղթել է ԲՀԿ-ական թեկնածու Արսեն Մարալյանին:
Վազաշենում առաջադրված ՀՀԿ-ականներից ընտրվել է գործող ղեկավար Լորիկ Բադիրյանը:










