5-ամյա աղջիկը եռման ջուրը շրջել է իր վրա․շտապօգնության բժիշկները միայն մահն են ֆիքսել

14:57 • 19.09.16

 

Շտապօգնության ժամանման պահին երեխան մահացած է եղել․ Tert.am-ի հետ զրույցում պատմեց Վանաձորի բժշկական կենտրոնի տնօրեն Վարդան Աբովյանը՝ խոսելով օրերս Վանաձորում 5 -ամյա երեխայի հետ կապված դեպքի մասին:

Նշենք, որ լրատվամիջոցներով տարածվել էր տեղեկատվություն, ըստ որի՝ 5-ամյա աղջիկը եղբոր հետ խաղալիս անզգուշաբար եռման ջուրը շրջել է իր վրա: Դեպքը տեղի է ունեցել օգոստոսի 31-ին, սակայն երեխայի ծնողները շտապօգնություն այդպես էլ չեն կանչել: 4 օր անց երեխան մահացել է:

Վարդան Աբովյանն ասաց, որ շտապօգնության բժիշկները միայն մահն են ֆիքսել, մանրամասներից չեն հետաքրքրվել, ոչինչ չեն կարող այդ դեպքի հետ կապված ասել:

Դեպքի առթիվ Լոռու մարզի քննչական բաժնում նյութեր են նախապատրաստվում: