Հանրակացարանի նկուղից դուրս են հանում երեք անչափահաս ունեցող ընտանիքին. մայրը սպառնում է հրկիզել իրեն ու երեխաներին (տեսանյութ)
Մասիվի հանրակացարանի սենյակներից մեկը կորցրած, իսկ այժմ հանրակացարանի նկուղում բնակվող 5 անդամ ունեցող ընտանիքին սեփականատերը վտարում է նկուղից: Երեք անչափահաս ունեցող ընտանիքը, մնալու տեղ չունի:
Այս մասին Tert.am-ի հետ զրույցում ընտանիքի մայրը՝ Մանուշ Վարդազարյանը:
Վերջինս պատմեց, որ սեպտեմբերի 13-ին Մասիվի թաղապետարանի աշխատակիցները սեփականատիրոջ պահանջով գնացել են նրանց նկուղից վտարելու, դրանով պայմանավորված Մանուշ Վարդազարյանը փորձել է ինքնահրկիզվել:
«Սեփականատերը, ով մեզ ներկայանում է որպես Արկադի, սակայն փաստաթղթերով Արարատ Ավագյանն է, պահանջում է, որպեսզի ես լքեմ հանրակացարանի նկուղը:
Ամսի 29-ին պետք է ոստիկանները գան, որ մեզ դուրս հանեն այդ նկուղից: Ամուսինս չի կարողանում աշխատել, ես էլ երեք անչափահաս եմ պահում: Վաշխառուն 17,5 քմ տարածքով սենյակս խլել է, ես այն գրավի տակ էի դրել, որպեսզի բուժեմ հիվանդ երեխայիս, ու նրան տոկոսով գումար եմ տվել: Պարտքեր կուտակվեցին, այդտեղից դուրս ենք եկել և արդեն յոթ ամիս է բնակվում ենք նկուղում»,- ասաց Մանուշ Վարդազարյանը:
Կինը նաև նշեց, որ երբ սեպտեմբերի 13-ին եկել են, որ տնից դուրս հանեն, ինքն ինքնահրկիզման փորձ է արել. «Կորցրել եմ ինքնատիրապետումս, բենզինը լցրել եմ իմ վրա, ասել եմ, որ ավելի լավ է ինքնահրկիզվենք. եթե դուրս եք հանելու ցրտից մեռնեմ, այսպես կմեռնեմ: Եթե ամսի 29-ին էլ մեր թաղային ոստիկանության աշխատակիցները գան, ես կինքնահրկիզվեմ ամբողջ ընտանիքով»:
Մանրամասները՝ տեսանյութում:










