Անկարգությունների պատճառով Շարլոթ քաղաքի իշխանությունները պարեկային ժամ են սահմանել
Հյուսիսային Կարոլինա նահանգի Շարլոթ քաղաքի իշխանությունները պարեկային ժամ են հայտարարել, քանի որ ոստիկանի կողմից սևամորթ քաղաքացու սպանությունից հետո երեք օր չեն դադարում բողոքի ակցիաները:
Ըստ Reuters գործակալության տվյալների՝ պարեկային ժամը կգործի կեսգիշերից մինչև առավոտյան ժամը 6-ը:
Բողոքի ակցիայի ընթացքում տուժել է մի քանի ոստիկան և քաղաքացիական անձ: Ցուցարարներից մեկը ծանր հրազենային վիրավորում է ստացել և տեղում մահացել է:
Ըստ ոստիկանության հաշվետվության՝ երեքշաբթի երեկոյան իրավապահ մարմինները զինված տղամարդու են նկատել, ով դուրս է եկել ավտոմեքենայից: Նրա ուղղությամբ կրակ են բացել: Ստացած վիրավորումներից տղամարդը հիվանդանոցում մահացել է: Սպանվածը 43-ամյա աֆրոամերիկացի Քեյթ Լամոնթ Սքոթն է: Նրա ուղղությամբ կրակած ոստիկանը ևս աֆրոամերիկացի է եղել:










