Ճավա կղզում ջրհեղեղի հետևանքով զոհերի թիվը հասել է 30-ի

06:00 • 24.09.16

Ինդոնեզական Ճավա կղզում ջրհեղեղի հետևանքով զոհերի թիվը հասել է 30-ի, ևս 22 բնակիչ անհետ կորած է համարվում: Այդ մասին հայտարարել է շրջանի որոնողափրկարարական վարչության պաշտոնական ներկայացուցիչը:

«Հայտնաբերվել է 30 մարդու մարմին»,- նշվում է հայտարարությունում:

Ավելի վաղ հաղորդվում էր 26 զոհի և 23 անհետ կորածի մասին:

Անտառների և շրջակա միջավայրի պաշտպանության նախարարության ղեկավար Սինտի Նուրբայան արդեն հայտարարել է, որ հատուկ մասնագետներ են աշխատում դեպքի վայրում: