Դուբայի երկնքում անօդաչու սարքի հայտնվելու պատճառով մի շարք ավիաչվերթներ հետաձգվել են

13:02 • 28.09.16

Դուբայի միջազգային օդանավակայանի ղեկավարությունը չորեքշաբթի առավոտյան հրահանգել է մոտ կես ժամով փակել օդային տարածքը՝ օդանավակայանի երկնքում հայտնված անօդաչու թռչող սարքի պատճառով: Այդ մասին ասված է Դուբայի օդանավակայանների ասոցիացիայի հաղորդագրությունում, գրում է РИА Новости-ն:

 

Ինչպես հստակեցրել են այդ գերատեսչությունում, Դուբայի միջազգային օդանավակայանի օդային տարածքը փակվել է առավոտյան 8:08-ից մինչև 8:35՝ անհայտ անօդաչու թռչող սարքի թռչելու հետևանքով, ինչի պատճառով որոշ չվերթներ հետաձգվել են:

 

Ինքնաթիռների ընդունումը վերսկսվել է 8:35-ին, բայց օդանավակայանն իր աշխատանքը նորմալ ռեժիմով սկսել է միայն 9:07-ին: