Հետադարձ ճանապարհը դժվար է լինելու. Կադիրովը նախազգուշացրել է երկրից հեռանալ պատրաստվող չեչեններին
Չեչնիայի ղեկավար Ռամզան Կադիրովը նախազգուշացրել է երկրի բնակիչներին, որոնք պատրաստվում են հեռանալ Ռուսաստանից, չկայացնել չմտածված որոշումներ: Այդկերպ նա Instagram-ի իր էջում մեկնաբանել է ԶԼՄ-ներում ավելի վաղ հայտնված հաղորդագրությունները Լեհաստանի սահմանն անցնել փորձող չեչենների մասին, գրում է lenta.ru-ն:
«Ամեն ինչից զրկվելուց և առանց որոշակի բնակության վայրի՝ անօթևան դառնալուց, սեփական կրոնը, ավանդույթներն ու սովորույթները կորցնելուց առաջ կարևոր է հարյուր անգամ մտածել, թե ինչի եք դատապարտում ձեզ և ձեր երեխաներին… Հետադարձ ճանապարհը լինելու է երկար և դժվար»,- գրել է նա:
Կադիրովը նշել է, որ Եվրոպա մեկնել փորձող երկրի հազարավոր բնակիչների մասին տեղեկությունը խիստ չափազանցված է: Նրա խոսքով՝ այդ մարդկանց փախստական համարել չի կարելի:
Կադիրովի կարծիքով՝ չեչեններին Լեհաստան, Բելգիա և Հոլանդիա կանչում են «տեղի հատուկ ծառայությունների» աշխատակիցները:










