ԱՄՆ-ում մերկապարուհիները դատի են տվել իշխանություններին պարելու իրավունքի համար

11:14 • 28.09.16

Միացյալ Նահանգների Լուիզիանա նահանգում մի խումբ մերկապարուհիներ, որոնց անունները չեն հրապարակվել, դատական հայց են ներկայացրել նահանգային իշխանությունների դեմ՝ բողոքելով 21 տարին չբոլորած աղջիկներին մերկապարով զբաղվելն արգելող նոր օրենքի դեմ:

 

Ինչպես նշում է korrespondent.net-ը, հայցվորները պնդում են, որ մերկապար պարելն իրենց սահմանադրական իրավունքն է, որին հակասում է նոր ընդունված և եկող շաբաթվանից շրջանառության մեջ դրվող օրենքը:

 

Աղբյուրը մանրամասնում է, որ նահանգային իշխանությունների որոշման համաձայն՝  էկզոտիկ պարերի կատարողները պետք է 21 տարեկանից փոքր չլինեն՝ չնայած, որ Լուիզիանայում թույլատրվում է սեռական կապի մեջ մտնել 17 տարեկանից:

 

Նշվում է, որ անանուն հայցվորները 21 տարեկանից փոքր են: Նրանք կարծում են, որ օրենքը կստիպի ոլորտի երիտասարդ ներկայացուցիչներին զբաղվել մարմնավաճառությամբ: