Տոկիոյի մետրոյում, հնարավոր է, գազային հարձակում է տեղի ունեցել. լրատվամիջոցներ

14:30 • 28.09.16

Տոկիոյի մետրոյում, հնարավոր է, գազային հարձակում է տեղի ունեցել: Ուղևորները տկարություն և թուլություն են զգացել: Այդ մասին հայտնում է «Սինհուա» գործակալությունը:

 

Տոկիոյի մետրոյի «Տակադանոբաբա» կայարանում տեղի ունեցած միջադեպի այլ մանրամասների մասին դեռ չի հաղորդվում:

 

Ինչպես հաղորդել են լրատվամիջոցները, վատ զգացողությունից բողոքել է մի քանի մարդ, ով եղել է կայարանում: Դեպքի վայր են ժամանել շտապօգնության մեքենաներ:

 

Կայարանում նաև սուր հոտ է զգացվել, հայտնել են լրատվամիջոցները: