Եվս մեկ հայ է զոհվել Հալեպում. բժիշկներին չհաջողվեց փրկել Միրեյ Հինդոյանի կյանքը

18:04 • 30.09.16

Այսօր Հալեպում զոհված հայերի թվին ավելացավ ևս մեկ անուն՝ բժիշկներին չհաջողվեց փրկել Միրեյ Հինդոյանի կյանքը: 

Հինդոյան ընտանիքի անդամները հրթիռակոծության են ենթարկվել Հալեպի Վիլլաներ հայաշատ թաղամասում գտնվող իրենց պատկանող խանութի մոտ:

«Գանձասարի» տվյալներով Հալեպում այս պահին կա 5 հայ զոհ (Միրեյ, Արման և Բեթի Հինդոյաններ,Ծիլա Ջաբաղջուրյան, մյուս մահացածի ինքնությունը դեռևս հաստատված չէ) և 7 վիրավոր: 

Հիշեցնենք, որ այսօր առավոտյան Հալեպի հայկական թերթերից «Գանձասարը» հայտնեց, որ  վաղ առավոտից ահաբեկչական խմբավորումները հրթիռակոծում են Հալեպի Նոր Գյուղ և Վիլլաներ հայաշատ թաղամասերը: