Հայտնի է՝ որքան է Բելառուսը պարտք Ռուսաստանին գազի համար

14:34 • 01.10.16

Ռուսաստանի էներգետիկայի նախարար Ալեքսանդր Նովակը հայտարարել է, որ Ռուսաստանից մատակարարված գազի համար Բելառուսի պարտքը կազմում է մոտ 270-300 միլիոն դոլար, հայտնում է «ՌԻԱ Նովոստի»-ն:

 

«Այսօրվա դրությամբ մենք շարունակում ենք բելառուսական կողմի հետ բանակցությունները մատակարարվող գազի համար կուտակած պարտքի շուրջ… Վերջին թիվը մոտ 270-300 միլիոն դոլարն է»,- ասել է նախարարը:

 

Նրա խոսքով՝ մինչև 2019 թվականի հուլիսի 1-ը պետք է ստեղծվի էլեկտրաէներգիայի միասնական էներգետիկ շուկա, իսկ մինչև 2025 թվականը՝ նավթի և գազի միասնական շուկաներ:

 

«Մենք այժմ դիտարկում ենք մեր փոխհարաբերություններն ավելի լայն համատեքստում»,- նշել է Նովակը:

 

Ավելի վաղ Ռուսաստանում Բելառուսի դեսպանատան պատվիրակ Յուրի Յարոշևիչն ասել է, որ Մոսկվայի ու Մինսկի բանակցությունները գազի գնի վերաբերյալ անարդյունավետ են եղել: Մի քանի օր անց Բելառուսի նախագահ Ալեքսանդր Լուկաշենկոն հայտարարել է, որ այժմ Բելառուսի և Ռուսաստանի միջև «չափազանց շատ խնդիրներ» են ի հայտ եկել և հիշատակել է նաև ռուսական գազի մատակարարման շուրջ բանակցությունները: