Վիգեն Սարգսյանի նշանակմամբ ոլորտում մշակվելու է նոր ռազմական դոկտրին. Սերգեյ Մինասյան
Հայաստանի պաշտպանության նախարարի պաշտոնում նախագահի աշխատակազմի ղեկավար Վիգեն Սարգսյանի նշանակմամբ ոլորտում մշակվելու է նոր ռազմական դոկտրին: Լրագրողների հետ հանդիպման ժամանակ նման տեսակետ հայտնեց քաղաքագետ Սերգեյ Մինասյանը:
Ըստ նրա` ոլորտում հատկապես ապրիլյան դեպքերից հետո, պետք էր ՀՀ նախագահի ակտիվ մասնակցությունը: Անդրադառնալով պաշտպանության նախարարի տեղակալ, նյութատեխնիկական ապահովման դեպարտամենտի պետ Մովսես Հակոբյանի նշանակմանը ՀՀ ԶՈՒ գլխավոր շտաբի պետի պաշտոնում` քաղաքագետը նշեց, որ նշանակումը տրամաբանական էր։ «Ըստ իս` մեսիջ է Ադրբեջանին, որ ավելի կոշտ ու վճռական ռազմական քաղաքականություն է իրականացվելու»,- մանրամասնեց նա:
Քաղաքագետը միևնույն ժամանակ շեշտեց, որ պետք է նաև չմոռանալ Սեյրան Օհանյանի տարած աշխատանքն այս երկրի համար:










