British Petrolium-ը տեղեկացրել է Հյուսիսային ծովում 95 տոննա նավթի արտահոսքի մասին
Նավթագազային արդյունաբերության ոլորտի «հսկաներից» մեկը՝ British Petrolium-ը, իր պաշտոնական կայքում հայտնել է Հյուսիսային ծովում նավթի խոշոր արտահոսքի մասին:
Ինչպես նշում է gazeta.ru-ն, Clair պլատֆորմում տեղի ունեցած արտահոսքի պատճառը տեխնիկական անսարքություններն են:
Աղբյուրը մանրամասնում է, որ ընդհանուր առմամբ ջուրն է լցվել 95 տոննա նավթ: Հայտնի է, որ BP-ի մասնագետներին հաջողվել է արտահոսքը դադարեցնել 1 ժամվա ընթացքում:
Բրիտանական ընկերության տարածած հայտարարությունում նշվում է, որ «ներկայում ստեղծված իրավիճակի լավագույն լուծումն է թույլ տալ նավթին բնական ձևով տարածվել ծովում»:










