Եգիպտոսը հայտնել է «Մահմեդական եղբայրներ» շարժման առաջնորդներից մեկի մահվան մասին
Եգիպտոսում սպանվել է «Մահմեդական եղբայրներ» շարժման առաջնորդներից մեկը՝ Մուհամեդ Քամալը: Այդ մասին հայտնել է երկրի ներքին գործերի նախարարությունը, գրում է BBC-ի ռուսական ծառայությունը:
Գերատեսչության հայտարարությունում ասված է, որ Քամալը սպանվել է երկուշաբթի Եգիպտոսի իրավապահ մարմինների աշխատակիցների հետ փոխհրաձգության ժամանակ:
Փոխհրաձգության ընթացքում սպանվել է նաև խմբավորման ևս մեկ անդամ:
Եգիպտոսի ՆԳՆ տվյալներով՝ Քամալը ղեկավարում էր «Մահմեդական եղբայրներ»-ի ռազմական թևը:
Եգիպտոսում նա հեռակա կարգով դատապարտվել էր երկու ցմահ ազատազրկման:
«Մահմեդական եղբայրներ»-ը հայտարարել են, որ Քամալը կապի դուրս չի եկել երկուշաբթի օրվանից:










