Արսեն Հարությունյանը նշանակվել է Ջրային տնտեսության պետական կոմիտեի նախագահ

19:06 • 04.10.16

Արամ Հարությունյանն ազատվել է Հայաստանի Հանրապետության գյուղատնտեսության նախարարության ջրային տնտեսության պետական կոմիտեի նախագահի պաշտոնից՝ իր դիմումի համաձայն: 

Այս մասին ՀՀ վարչապետ Կարեն Կարապետյանի որոշումը տեղադրված է կառավարության e-gov.am կայքում:

Կարապետյանի մեկ այլ որոշմամբ` Ջրային տնտեսության պետական կոմիտեի նախագահ է նշանակվել Արսեն Հարությունյանը:

կենսագրությունը


Ծնվել է 1979 թ. հունվարի 20-ին Երևան քաղաքում:


2000 թ. ավարտել է Երևանի Պետական տնտեսագիտական ինստիտուտի Ընդհանուր տնտեսագիտական ֆակուլտետի Ազգային էկոնոմիկա բաժինը և ստացել տնտեսագետի որակավորում:


1997 - 2001 թթ. «Միավորված բանկ» ԲԲԸ - արտարժութային գործառնությունների բաժնի մասնագետ:


2001 - 2003 թթ. Նոր Նորքի թաղապետարան - առաջին կարգի մասնագետ:


2003 - 2010 թթ. «ՀայՌուսգազարդ» ՓԲԸ - ֆինանսական բաժնի տնտեսագետ, այնուհետև առաջատար մասնագետ, գլխավոր մասնագետ, ֆինանսական վարչության պետի տեղակալ:


2010 թ. հայ-գերմանական «MVV Decon» LLC - «MVV Energy» LLC - «Էյ-Ի-Ջի Սերվիս» ՍՊԸ կոնսորցիում - ջրային ընկերությունների ֆինանսական փորձագետ:


2010 - 2011 թթ. «Էյ-Ի-Ջի Սերվիս» ՍՊԸ - ՋԸԿ վարչության պետի տեղակալ, «Շիրակ ջրմուղկոյուղի» ՓԲԸ ֆինանսական գծով տեղական տնօրեն:


2011 - 2012 թթ. «Էյ-Ի-Ջի Սերվիս» ՍՊԸ - տնօրենի տեղակալ կոմերցիայի գծով:


2012 թ. դեկտեմբերի 26-ից «Էյ-Ի-Ջի Սերվիս» ՍՊԸ-ի տնօրեն:


2013 թ. հուլիսի 15-ից «Էյ-Ի-Ջի Սերվիս» ՍՊԸ-ի Գլխավոր տնօրեն:


Երկու գիտական հոդվածների հեղինակ է:


Ամուսնացած է, ունի երեք զավակ: