Հալեպում հրթիռակոծության հետևանքով երկու հայ է զոհվել, ևս մեկը` վիրավորվել

17:55 • 05.10.16

Այսօր կեսօրին զինված ահաբեկչական խմբավորումները շարունակել են հրթիռակոծել Հալեպի Նոր Գյուղ, Մոգամբո, Մուհաֆազա շրջանների խաղաղ բնակչությանը: 

«Գանձասարի» փոխանցմամբ` Նոր Գյուղում տեղի ունեցած հրթիռակոծության հետևանքով զոհվել է երկու հայ` 30-ամյա Գասպար Շաթյանն ու 29-ամյա Մովսես Մովսեսյանը: 

Վիրավորների թվում է նաև հայազգի Վարուժան Դոնաբետյանը: Նրա վիճակը բժիշկները գնահատում են կայուն:

Հիշեցնենք, որ սեպտեմբերի 30-ին Հալեպում տեղի ունեցած հրթիռակոծության հետևանքով զոհվել էին 5, վիրավորվել 11 հայեր: