Երուսաղեմում ոստիկանական շտաբի մոտակայքում տեղի ունեցած հարձակման հետևանքով չորս մարդ է վիրավորվել
Չորս մարդ է վիրավորվել Երուսաղեմում կիրակի օրը տեղի ունեցած կրակոցների պատճառով, հայտնում է Reuters գործակալությունը՝ վկայակոչելով Իսրայելի ռադիոյին:
Վիրավորներից մեկը ծանր վիճակում է:
Ոստիկանության խոսնակը լրագրողներին ուղղված հաղորդագրությունում միջադեպը որակել է ահաբեկչական հարձակում:
Հարձակումը տեղի է ունեցել ոստիկանական գլխավոր շտաբի մոտակայքում: Հարձակվողը, ով արաբ է եղել, փորձել է թաքնվել մեքենայով, բայց ոստիկանական հատուկ նշանակության ջոկատի մարտիկները կարճ հետապնդումից և կրակոցներից հետո նրան չեզոքացրել են:










