Ղազախստանում ձերբակալվել են ուժայինների դեմ ահաբեկչություններ պատրաստող ծայրահեղականներ

12:13 • 11.10.16

Ղազախստանի ազգային անվտանգության կոմիտեի աշխատակիցները ձերբակալել են ծայրահեղական խմբի երեք անդամի, որոնք կասկածվում են երկրի ուժային կառույցների աշխատակիցների դեմ ահաբեկչություններ նախապատրաստելու համար, գրում է «ՌԻԱ Նովոստի»-ն:

 

«2016 թվականի հոկտեմբերի 10-ին Ալմաթի քաղաքում Ազգային անվտանգության կոմիտեի աշխատակիցները ձերբակալել են ծայրահեղական խմբի երեք անդամի, որոնք ահաբեկչական գործողություններ են նախապատրաստել իրավապահ և հատուկ մարմինների աշխատակիցների նկատմամբ»,- նշված է հաղորդագրությունում:

 

Նշվում է, որ խմբի անդամների մոտից առգրավվել են ինքնաշեն պայթուցիկ նյութերի բաղադրիչներ, կրոնական ծայրահեղական նյութեր, այդ թվում՝ ահաբեկչություններ իրագործելու կոչերով: