Մոսկվան «Գազպրոմ»-ին 25 մլրդ ռուբլի կվճարի՝ որպես Բելառուսի համար գազի գնի զեղչի դիմաց փոխհատուցում. «Կոմերսանտ»

11:41 • 11.10.16

Ռուսաստանն այս տարի «Գազպրոմ» էներգետիկ ընկերությանը մոտ 25 միլիարդ ռուբլի կվճարի, իսկ հաջորդ տարի՝ ևս 56 միլիարդ՝ որպես Բելառուսի համար գազի գնի զեղչի դիմաց փոխհատուցում, գրում է «Коммерсант»-ը:

 

Ավելի վաղ Մինսկն ու Մոսկվան պայմանավորվել են գազի մատակարարումների ընթացքում միջբյուջետային փոխհատուցման մասին, ինչը թույլ կտա բոլոր սպառողների համար գնային հավասար պայմաններ ապահովել:

 

Կայքը նշում է, որ գնի նվազման դիմաց Բելառուսը պարտավորվել է չեղյալ համարել երկրի տարածքով ռուսական նավթի տարանցման համար բարձրացված տոկոսադրույքը: Բացի այդ, ինչպես նշում են լրատվամիջոցի աղբյուրները, Մինսկը խոստացել է ստորագրել երկու երկրների միասնական էներգետիկ շուկայի ստեղծման մասին համաձայնագիրը:

 

Նշվում է, որ Բելառուսը կմարի 300 միլիոն դոլարի պարտքը, իսկ գազի՝ ռուբլիով գինը հետադարձ կարգով հուլիսի 1-ից կնվազի 30 տոկոսով: Այդկերպ՝ արդեն այս տարի Մինսկը կխնայի մոտ 25 միլիարդ ռուբլի:

 

2017 թվականին Մինսկի համար գազի գինը կկազմի մոտ 6 հազար ռուբլի 1.000 խորանարդ մետրի դիմաց: