ԱՄՆ-ում առևտրի կենտրոնից մարդիկ տարհանվել են՝ պայթյունի սպառնալիքի պատճառով

09:44 • 11.10.16

Նյու Յորքից ոչ հեռու գտնվող ամերիկյան Ուեյն քաղաքում իշխանությունները տարհանել են Willowbrook առևտրի կենտրոնում գտնվող մարդկանց՝ հնարավոր պայթյունի վերաբերյալ տեղեկություն ստանալուց հետո:

 

Ինչպես նշում է gazeta.ru-ն, իրավապահները հսկողության տակ են առել տղամարդուն, որը, իր իսկ պնդմամբ, հայտնաբերել է սպառնալիք պարունակող գրություն: Դրանում նշվել է, որ շենքում տեղադրված է մեկ կամ մի քանի ռումբ:

 

Սակայն ոստիկաններին կասկածելի է թվացել այն փաստը, որ տղամարդը չի կարողացել ներկայացնել հայտնաբերած գրությունը:

 

Այժմ ոստիկանները խուզարկում են առևտրի կենտրոնը՝ պայթուցիկ հայտնաբերելու նպատակով: