ԵՄ մաքսային միությունից դուրս գալը Բրիտանիային 25 միլիարդ ֆունտ կարժենա. The Guardian

11:51 • 12.10.16

Մեծ Բրիտանիայի կառավարության՝ Եվրամիությունից երկրի դուրս գալու գործընթացի հարցերով խորհրդական Ռաուլ Ռուպարելը կարծում է, որ ԵՄ մաքսային միությունից երկրի դուրս գալը կարող է բրիտանական տնտեսությանը 25 միլիարդ ֆունտ սթերլինգ արժենալ, հայտնում է The Guardian-ը:

 

Ռուպարելի խոսքով՝ մաքսային միությունից երկրի դուրս գալը երկարաժամկետ հեռանկարում կնվազեցնի Բրիտանիայի ՀՆԱ-ն 1-1,2 տոկոսով:

 

Ավելի վաղ Times թերթը, վկայակոչելով Ֆինանսների նախարարության փաստաթղթերը, հայտնել է, որ Մեծ Բրիտանիան ամեն տարի կկորցնի մինչև 66 միլիարդ ֆունտ սթերլինգ (81,69 միլիարդ դոլար), այսպես կոչված, «կոշտ Brexit»-ն ընտրելու դեպքում: