Վերսալի աշխատակիցները մեղադրվում են 250 հազար եվրո գումարի կեղծ տոմս վաճառելու մեջ

18:39 • 12.10.16

Փարիզի արվարձանում գտնվող Վերսալի պալատապարտեզային համալիրի հինգ աշխատակից մեղադրվում է զբոսաշրջիկներին կեղծ տոմսեր վաճառելու մեջ. այս մասին հաղորդում է РИА Новости-ն` հղում անելով  BFM TV հեռուստաալիքին:

Նշվում է, որ հանցագործ համակարգի ենթադրվող կազմակերպիչը ձերբակալվել է, իսկ նրա մեղսակիցները գտնվում են դատական վերահսկողության ներքո:

Հետաքննության տվյալների համաձայն` մեղադրյալները 10 եվրոյով զբոսաշրջիկներին վաճառել են օգտագործված տոմսերը, և պալատային համալիրին հասցված վնասը գնահատվում է առնվազն 250 հազար եվրո: