Դանակով զինված անծանոթը փորձել է ներխուժել սուպերմոդել Միրանդա Քերի տուն. հնչել են կրակոցներ (լուսանկարներ, տեսանյութ)
Ներկայիս ամենապահանջված սուպերմոդելներից մեկի՝ Միրանդա Քերի՝ Մալիբուում գտնվող առանձնատան մոտ տեղի է ունեցել արտակարգ դեպք:
Ինչպես հայտնում է The Daily Mail-ը, անծանոթը, մագլցելով պարիսպը, փորձել է ներթափանցել ավստրալուհու տուն, սակայն նրա ճանապարհը կտրել է աստղի թիկնապահներից մեկը՝ կրակ բացելով տղամարդու ուղղությամբ:
Բրիտանական պարբերականը մանրամասնում է, որ սկզբում թիկնապահը փորձել է կանգնեցնել անծանոթին, սակայն վերջինս դանակով հարվածել է նրա աչքին: Դրանից հետո թիկնապահը հանել է ատրճանակն ու մի քանի անգամ կրակել անծանոթի ուղղությամբ՝ այդ թվում նաև գլխին:
Այժմ 2-ն էլ գտնվում են հիվանդանոցում:
Նշվում է, որ ներխուժման փորձի շարժառիթների մասին դեռևս տեղեկություն չկա:
















