Կանադայում սպանվել է տեղական մաֆիայի պարագլուխներից մեկը

10:24 • 17.10.16

Կիրակի իր տանը սպանվել է կանադական Մոնրեալ քաղաքի մաֆիայի պարագլուխներից մեկը: Այդ մասին հայտնել են Radio-Canada-ի աղբյուրները:

 

65-ամյա Վինչենցո Սպանյոլոյին սպանել են Մոնրեալի մոտ գտնվող Լավալ քաղաքում՝ սեփական տանը:

 

Սպանյոլոն եղել է Վիտո Ռիզուտոյի աջ ձեռքը: Վերջինս երկար ժամանակ գլխավորել է Մոնրեալի ողջ մաֆիան՝ ընդհուպ մինչև իր մահը՝ երեք տարի առաջ:

 

Ոստիկանությունում հայտնել են, որ սպանության հնարավոր պատճառը եղել է հանցավոր խմբավորման կողմից «հաշիվների մաքրումը»: