Մահացած ծննդկանի երեխան նորմալ, առողջ երեխա է. ԱՆ

11:34 • 19.10.16

Նախօրեին Վանաձորում ծննդաբերությունից մահացած Հռիփսիմե Նազլուխանյանի երեխան երեկվա դրությամբ առողջության հետ կապված որևէ խնդիր չի ունեցել:

Այս մասին Tert.am-ին հայտնեց ՀՀ առողջապահության նախարարության մոր և մանկան առողջության վարչության պետ Կարինե Սարիբեկյանը:

Այլ մանրամասներ, հղում կատարելով նախաքննությանը և նշանակված դատաբժշկական փորձաքննությանը, բժշկուհին չհայտնեց` ասելով, որ ծննդկանի մահվան պատճառի, պատճառահետևանքային կապերի, բժշկական սխալի հավանականության մասին հարցերի պատասխանը կտա դատաբժշկական փորձաքննությունը: Կարինե Սարիբեկյանը, սակայն  չհերքեց, որ ծննդկանը մինչև ծննդաբերությունը հղիության պաթոլոգիայի կասկածով հիվանդանոցում պառկած է եղել: