ՄԱԿ-ը հույս է հայտնել, որ ուրբաթ կսկսի Հալեպից վիրավորների տարհանումը

16:12 • 20.10.16

ՄԱԿ-ը դեռ չի կարող սկսել Հալեպից վիրավորների տարհանումը՝ հակամարտության բոլոր կողմերի ներկայացուցիչների թույլտվության բացակայության պատճառով: Այդ մասին հայտնել է մարդասիրական հարցերով ՄԱԿ-ի գլխավոր քարտուղարի տեղակալ Յան Էգելանը, գրում է interfax.ru-ն:

 

Նա ճեպազրույցի ժամանակ հույս է հայտնել, որ այդ գործընթացը կարող է սկսվել ուրբաթ օրը:

 

«Մենք հույս ունենք, որ առաջին բժշկական տարհանումը կարող է սկսվել վաղը»,- ասել է նա լրագրողներին: «Հալեպի արևելյան հատվածից կարող են տարհանվել մի քանի հարյուր վիրավորներ»,- հավելել է նա:

 

Ընդ որում, Էգելանի խոսքով, այդ տարհանումը կարող է ընթանալ «առաջիկա չորս օրվա ընթացքում»: