Պաշտոնանկ են արվել Կապանի և Մեղրիի ոստիկանապետերը

14:27 • 20.10.16

ՀՀ ոստիկանապետ Վլադիմիր Գասպարյանի հրամանով պաշտոնանկ են արվել Կապանի և Մեղրիի ոստիկանապետները և նշանակվել նոր ոստիկանապետեր:

Այս մասին լուրը Tert.am-ի հետ զրույցում հաստատեց ՀՀ ոստիկանության լրատվության վարչության ԶԼՄ-ների հետ կապի բաժնից Զարզանդ Գաբրիելյանը։

«Ոստիկանապետի հրամանով պաշտոնանկ է արվել Կապան քաղաքի ոստիկանապետ Արա Դավթյանը, մեկ այլ հրամանով պաշտոնանկ էր արվել Մեղրիի ոստիկանապետ Վարդան Ծատրյանը»,-ասաց նա։

ՀՀ ոստիկանության լրատվության վարչության ԶԼՄ-ների հետ կապի բաժնից նաև հայտնեցին, որ Կապանի ոստիկանապետ է նշանակվել ոստիկանության գնդապետ Արթուր Շմավոնյանը, Մեղրիի նոր ոստիկանապետը ոստիկանության գնդապետ Կարեն Թադևոսյանն է: