Խաղաղ օվկիանոսում ձկնորսական նավ է այրվում, որի վրա կա 52 մարդ
Ճապոնացի փրկարարներն ուղևորվել են թայվանական Chin Chun ձկնորսական նավի մոտ, որը մեկ այլ նավի հետ բախման հետևանքով այրվում է Խաղաղ օվկիանոսում՝ ճապոնական ափից 510 կմ հեռավորության վրա:
Ինչպես նշում է ria.ru-ն, Chin Chun-ի վրա գտնվում է 52 մարդ, և դեռևս հայտնի չէ, թե արդյոք նրանցից որևէ մեկը տուժել է:
Ինչ վերաբերում է մյուս նավին, որին բախվել է Chin Chun-ը, ապա դրա վերաբերյալ տեղեկություններ չկան:
Աղբյուրը մանրամասնում է, որ նավերի բախումից հետո ճապոնական առափնյա ծառայություններն աղետի ազդանշան են ստացել ու փրկարար նավ ուղարկել այրվող Chin Chun-ի մոտ:










