Օբաման ստել է Քլինթոնի փոստի մասին գործի վերաբերյալ իր անտեղյակության մասին. WikiLeaks

11:44 • 26.10.16

ԱՄՆ նախագահ Բարաք Օբաման ճիշտ չի ասել՝ վստահեցնելով, թե տեղյակ չի եղել նախկին պետքարտուղար Հիլարի Քլինթոնի կողմից ծառայողական նամակագրություն վարելու համար անձնական համակարգչային սերվերի օգտագործման մասին: Այդ մասին հայտնում է WikiLeaks կազմակերպությունը:

 

Կազմակերպության Twitter-ի էջում հրապարակման համաձայն՝ Քլինթոնի շրջապատի «նոր նամակները ցույց են տալիս, որ Օբաման ստել է, երբ հայտարարել է, թե տեղյակ չէ Քլինթոնի կողմից էլեկտրոնային փոստի անձնական հասցեն օգտագործելու մասին»:

 

ԶԼՄ-ներում հաղորդումներից հետո Օբաման հայտարարել էր, որ իմացել է այդ մասին միայն մամուլից: Այն բանից հետո, երբ շտաբի մամուլի քարտուղար Ջոն Շվերինը գրել է գործընկերներին Օբամայի այդ հայտարարության մասին, ԱՄՆ նախկին պետքարտուղարի գրասենյակի ղեկավար Շերիլ Միլսը պատասխանել է. «Մենք պետք է դա մաքրենք: Նա (Օբաման) նամակներ ունի նրանից»: