Միշել Օբաման Հիլարի Քլինթոնին «իմ աղջիկ» է անվանել

09:19 • 28.10.16

ԱՄՆ-ի առաջին տիկին Միշել Օբաման, դիմելով շարքային ամերիկացիներին, կոչ է արել նոյեմբերի 8-ին կայանալիք նախագահական ընտրություններում իրենց ձայնը տալ դեմոկրատների թեկնածու Հիլարի Քլինթոնին:


Ինչպես հայտնում է bbc.com-ը, Քլինթոնի նախընտրական արշավի շրջանակում Հյուսիսային Կարոլինա նահանգում ունեցած ելույթի ժամանակ առաջին տիկինը կին թեկնածուին անվանել է «իմ աղջիկ»:


«Հիլարին իմ ընկերուհին է»,-շարունակել է Միշել Օբաման՝ հավելելով, որ ԱՄՆ-ի ապագա նախագահը պետք է լուրջ վերաբերվի իր գործին ու լինի այնպիսի մեկը, ում կարելի է վստահել միջուկային գաղտնաբառերը:


Մինչդեռ Քլինթոնն իր հերթին խոստացել է առաջին տիկնոջը, որ նախագահ դառնալու դեպքում կխնամի Սպիտակ տան պարտեզում նրա հիմնած բանջարանոցը:


Հիշեցնենք, որ ԱՄՆ-ում նախագահական ընտրությունները կայանալու են նոյեմբերի 8-ին: Երկրի ղեկավարի պաշտոնի համար պայքարը ծավալվում է հանրապետական Դոնալդ Թրամփի և դեմոկրատ Հիլարի Քլինթոնի միջև: