Օլեգ Պոպովը ցանկացել է հուղարկավորվել ծաղրածուի հանդերձանքով

18:03 • 03.11.16

Ծաղրածու Օլեգ Պոպովը ցանկանում էր, որ իրեն հողի հանձնեն ծաղրածուի հանդերձանքով. այս մասին հայտնում է «ՌԻԱ Նովոստի»-ն:


«Օլեգ Կոնստանտինովիչի այրին հայտնել է դերասաններին, որ Օլեգ Պոպովը ցանկանում էր հողին հանձնվել ծաղրածուի հանդերձանքով»,- հայտարարել է լարախաղացների ղեկավար Ֆատիկմա Գաջիկուրբանովան:


Ավելի վաղ հայտնի է դարձել, որ Պոպովին հողին կհանձնեն Գերմանիայում՝ դստեր խնդրանքով:


Ավելի վաղ հաղորդվել է, որ Դոնի Ռոստով քաղաքում 86 տարեկանում մահացել է Խորհրդային միության ժողովրդական արտիստ, համաշխարհային ճանաչում վայելող ծաղրածու Օլեգ Պոպովը:


«Ռոսգոսցիրկ»-ի գլխավոր տնօրեն Դմիտրի Իվանովը նշել է, որ սիրված արտիստը հանկարծամահ է եղել:


«Նա իրեն լավ էր զգում, երեկոյան նստած հեռուստացույց էր դիտում, և հանկարծ դա տեղի ունեցավ»,- մեկնաբանել է Իվանովը: