Հնդկաստանում Արևի աստծուն նվիրված փառատոնի ժամանակ մահացել է առնվազն 21 մարդ (լուսանկարներ)
Առնվազն 21 մարդ է զոհվել հնդկական Բիհար նահանգում Արևի աստծուն նվիրված փառատոնի տոնակատարությունների ժամանակ տեղի ունեցած դժբախտ պատահարների հետևանքով, հայտնում է Times of Indian-ն:
Դժբախտ պատահարները տեղի են ունեցել նոյեմբերի 7-ին: Այդ օրը հավատացյալներն առավոտյան դուրս են գալիս ջրամբարի ափ և դիմավորում են լուսաբացը՝ Արևին զոհաբերություններ բերելով:
Սամաստիպուր շրջանում հավատացյալները հավաքվել են երկաթուղային ճանապարհի հարևանությամբ գտնվող ջրամբարի մոտ: Երեք մարդ, այդ թվում՝ երկու երեխա, անցնելիս են եղել ճանապարհը, երբ ընկել են արագընթաց գնացքի տակ և զոհվել:
Այլ շրջաններում մահացել է ևս 18 մարդ: Նրանք բոլորը խորտակվել են առավոտյան ծիսակատարության ժամանակ:























