Ռուսական էստրադայի աստղերը համացանցը ողողել են Թրամփին ուղղված շնորհավորանքներով
Մինչդեռ բազմաթիվ ամերիկացի հայտնի դերասաններ ու կատարողներ «սգում են» Թրամփի հաղթանակը ԱՄՆ-ի նախագահական ընտրություններում, ռուսական էստրադայի ներկայացուցիչները ակտիվորեն շնորհավորում են ԱՄՆ-ի 45-րդ նորընտիր նախագահին:
Ինչպես տեղեկացնում է Life.ru-ն, ռուսական շոու-բիզնեսի ներկայացուցիչներին անչափ ուրախացրել է հանրապետական Թրամփի հաղթանակը: Այդ մասին են վկայում սոցցանցերում նրանց տեղադրած լուսանկարներն ու շնորհավորական ջերմ խոսքերը:
Ռուսական փոփ երգի արքա Ֆիլիպ Կերկորովը համատեղ լուսանկար է տեղադրել և գրել է. «Շնորհավորում եմ արժանի հաղթանակի առթիվ»:
«Այսպիսով, ԱՄՆ-ի առաջին տիկին: Սա իրական հեքիաթ է այն մասին, թե ինչպես հասարակ սլովենուհի աղջիկը կարողացել է դառնալ առաջին տիկին», - գրել է Թինա Կանդելակին:
Շնորհավորական գրառումներ են կատարել նաև այլ երգիչներ ու երգչուհիներ:










