Օքլենդում բողոքի ակցիաներ են սկսվել ընտրություններում Թրամփի հաղթանակից հետո (լուսանկարներ, տեսանյութ)

14:54 • 09.11.16

ԱՄՆ Կալիֆորնիա նահանգի Օքլենդ քաղաքում բողոքի ակցիաներ են սկսվել նախագահական ընտրություններում հանրապետական Դոնալդ Թրամփի հաղթանակից հետո:


Մարդիկ դուրս են եկել փողոցներ, նրանք վանկարկում են՝ «Մեր նախագահը չէ» և «Ո՞ւմ փողոցները, մե՛ր փողոցները»:


Լրատվամիջոցները հայտնում են այրվող մեքենաների և կոտրված ապակիների մասին:


Ինչպես ավելի վաղ հայտնել էր Tert.am-ը, ԱՄՆ նախագահի հանրապետական թեկնածու Դոնալդ Թրամփը հաղթել է նախագահական ընտրություններում. նա ունի ընտրական կոլեգիայի անդամների 276-ի ձայնը, իսկ նրա մրցակից դեմոկրատ Հիլարի Քլինթոնը՝ 218 ձայն։ 


Նշվում է նաև, որ ԱՄՆ նախագահի պաշտոնի համար պայքարող Հիլարի Քլինթոնը, որն առաջադրվել էր Դեմոկրատական կուսակցության կողմից, ընտրությունների ավարտից հետո զանգահարել է հաղթած թեկնածուին ու ընդունել իր պարտությունը: