Սիրիական բանակի հրամանատարությունը կամավորական 5-րդ գումարտակի կազմավորման կոչ է հղել
Սիրիական բանակի հրամանատարությունը հայտարարել է բանակի միավորումներին կից հինգերորդ կամավորական գումարտակի կազմավորման մասին, այս մասին գրում է «Գանձասարը»:
Հրամանատարության տարածած հայտարարության մեջ, մասնավորապես, ասվում է. «Ի պատասխան ռազմական գործողությունների սրընթաց զարգացման և, հաշվի առնելով սիրիական բանակի արձանագրած առաջընթացը, ինչպես նաև հայրենիքից ահաբեկիչներին արմատախիլ անելու սիրիացի ժողովրդի ցանկությունը՝ Սիրիական բանակի հրամանատարությունը հայտարարում է կամավորական հինգերորդ գումարտակի կազմավորման մեկնարկի մասին, որը պետք է բանակի կողքին մարտնչի մեր երկիր ներթափանցած ահաբեկիչների դեմ և խաղաղություն ու անվտանգություն հաստատի մեր հայրենիքի ամբողջ տարածքում»:










